Hopp til hovedinnhold

Humanehtalaš lihttu

Humanehtalaš lihttu lea eallinoaidnoservodat mii bargá ovddidit humanismma, ja lea veahkkin olbmuide doaimmahit humanisttalaš eallinoainnu.

Mii čohkket ja organiseret humanisttaid Norggas. Ovttas ovddidit humanisttalaš árvvuid ja fállat olu iešguđetlágan doaimmaid, sihke miellahtuide ja earáide. Mii fállat maiddái dáid seremoniijaid: Nammafeastta, konfirmašuvnna, vihaheami ja hávdádeami.

Loga eambbo min seremoniijaid birra.

Humanismii

Humanehtalaš lihttu vuođđuduvvá min miellahtuid oktasaš eallinoidnui –humanismii.

Humanisma eallinoaidnu ii leat oskui čadnon, ja bidjá olbmo guovddážii. Mis lea vuođđun ahte eai gávdno agibeaivvi bisti duohtavuođat ja ahte dieđa lea buoremus gáldu máhttui máilmmi birra. Ovttas buot davviriikkaid humanistaorganisašuvnnaiguin mii leat ovdánahttán Davviriikkalaš humanistafeastta.

Searvi ásahuvvui cuoŋománu 9. beaivvi 1956:s. Dalle čálii Morgenbladet. “Lea dušše áigefenomena ahte Humanehtalaš lihttui lea beroštupmi. Dat jávká áiggi mielde.”

Muhto čájehuvvui fenomena gierddai áiggi gollama. 1956 rájes mii leat aivve sturron. Dál leat Humanehtalaš lihtus badjel 100 000 miellahtu ja searvi lea šaddan máilmmi stuorámus eallinoaidnoservodahkan.

Mii ovddidit servodaga mas buohkat sáhttet válljet oskkuset dahje eallinoainnuset sekulára stáhtas.

Mii oassálastit aktiivvalaččat almmolaš ságastallamis. Go mii cealkit juoidá, de lea álo humanisttalaš eallinoainnu vuođul. Min áŋgiruššama mihttomearri lea ahte ehtalaš ja humanisttalaš árvvut, nugo olmmošvuoigatvuođat, dásseárvu, cealkinfriddjavuohta ja demokratiija, galget leat politihka, bargoeallima, oahpu, dutkama ja servodateallima geađgejuolgin.

Searvva Humanehtalaš lihttui

Humanehtalaš lihtu miellahtut leat vuođđun min doibmii. Mađi eanebut mii leat, dađi fámolat jiena mii oažžut friddjavuhtii ja humanisttalaš árvvuide servodagas. Mii sávvat danin ahte don searvvat miellahttun.

Dáid áššiid doarjjut go leat miellahttu:

Miellahttun oaččut:

Miellahttun oaččut maiddái fálaldaga oassálastit iešguđetlágan doaimmaide iežat báikkálaš searvvis. Dasa lassin sáhtát áŋgiruššat eaktodáhtolažžan dahje luohttámušolmmožin.

Min sisadieđihanskovvi lea oažžumis dušše dárogillii. Jus dárbbašat veahki dieđihit miellahttun, de sáhtát váldit oktavuođa e-boastta bokte: [email protected].

Mis lea maiddái nuoraidorganisašuvdna humanisttaide 15 jagis 25 jahkái: Humantisttalaš Nuorat.