Samarbeid med Studieforbundet kultur og tradisjon
Vi er medlem av Studieforbundet kultur og tradisjon og mottar tilskot for vaksenopplæring vi driv, i henhald til vaksenopplæringslova si grunn- og opplæringstilskot.
Vaksenopplæringa og kursverksemda vi driv er i størst grad knytt til konfirmasjonsarbeidet vårt og konfimasjonskursa vi held for ungdommar kvart år.
Konfirmasjonskurset legg til rette for at ungdommar kan reflektere over eigne opplevingar, val, verdiar og handlingar. For mange er kurset startskotet for tankar og refleksjonar som er til hjelp når dei skal ta val seinare i livet.
Vi er medlem av Studieforbundet kultur og tradisjon då arbeidet vårt med vaksenopplæring knytt til konfirmasjon er del av rolla vi har som kultur- og tradisjonsberar.
Fleire og fleire ønskjer å konfirmere seg humanistisk. Stønaden vi får gjer at vi kan halde fram med å gi ungdom ein verktøykasse som kan hjelpe dei med å ta gode, gjennomtenkte og etiske val. Dette er med på å vareta konfirmasjon som tradisjon, ei viktig verdioverføring mellom generasjonar og ei feiring av ungdommar i starten av overgongen til vaksenlivet.